Caithness Map :: Links to Site Map Great value Unlimited Broadband from an award winning provider  

 

We're Kaitness Fowk For A' That By John Horne,

15th July 2019

We're Kaitness Fowk For A' That By John Horne

Written c. 1923

Is there a fyarter fae 'e north,

Fa hides his birth an' a' that,

An' blushes 'cause his faither's hoose

Is thecked wi' straw an a' that?

For a' that an a' that -

Wir modest crofts an a' that

E foosum trosk we pass him by -

We're Kaitness fowk an a' that.

What though we toil in fishin boats

Howk tattie fields an a' that,

Or drive a cairtie till e' hills -

A man's a man for a' that !

For a' that an a' that -

Wir herrin nets an a' that ;

Despise fa will wir canny ways

We're Kaitness fowk for a' that.

Ye see yin ############her dressed in spats

Fa scorns his nest an a' that.

Though florin in a motor car

He's no a man for a' that.

For a' that an a' that,

His honours blunt, an a' that,

Till hiz he's jist a blostin feel -

We're Kaitness fowk for a' that.

Oh, Southern lands hev richer fields,

Wi floorags, trees an a' that,

I wudna gie a tattie bleem

O' Kaitness soil for a' that.

For a' that, an a' that,

Here's til wirsels for a' that!

Though up or down, though far or near,

We're Kaitness fowk for a' that.

 

Related Artists

 

Related Articles

8/10/2013
Kaitness Fowk - Poems and Stories By John HorneThumbnail for article : Kaitness Fowk - Poems and Stories By John Horne
We are grateful to Margo Mackay for sending us the scans of these famous works by the late John Horne.   Although the name John horne is known thoughout Caithness for his dialect poems these have been out of print for over fifty years.  

[Printer Friendly Version]